ஆழ்ந்து யோசித்தாள், நமது முன்னோர்கள் மனித குரங்காக இருந்த காலத்தில் திருமணம் செய்வதில்லை, அப்படி ஒன்று தேவை பட்டிருக்கவில்லை . பிறகு திருமணம் என்று கண்டுபிடித்து, என் கணவன்/கணவன்கள் என் மனைவி/மனைவிகள் என்று ஒரு வட்டத்தை உருவாக்கி இருக்க வேண்டும்.

மூளை வளர்ச்சி, கலாச்சார வளர்ச்சி படிப்படியாக சாட்சியுடம் திருமணம் நடத்தி வைக்கும் அவசியம் ஏற்பட்டிருக்க வேண்டும்.

இந்த அடிப்படையில்தான் திருமண சடங்குகள் உருவாகி இருக்க வேண்டும்.

இன்றய நிலையில், வசதிகள் கூடி விட்டதால், என் வசதி கூடவா, உன் வசதி கூடவா என்று காட்ட வேண்டும் என்று திருமணம் நடத்தி வைக்கின்ற நிலை வந்து விட்டது.

பணம் உள்ளவன் வசதியை காட்டுவது ஒன்றும் பிரச்சனை இல்லை. பணம் உள்ளவர், பணம் இல்லாதவர் திருமணத்தின் பின் மறைந்திருக்கும் நோக்கத்தை மறந்து அல்லது அது பற்றிய ஞானம் இல்லாமல் நடத்துவது ஆபத்தில் முடிய அதிக வாய்ப்பு உள்ளது.

சேபியன் என்ற மனித குரங்கிலிருந்து பல பல பரிணாம வளர்ச்சிக்கு பிறகு இன்றய நிலையில் இருக்கிறோம். நமது மைய தலைப்பு நோக்கத்தின் பின் மறைந்திருக்கும் நோக்கம். ஆக தலைப்பை தாண்டி ரெம்ப தூரம் போய் விடாமல் பார்த்துக்கொள்ள வேண்டியுள்ளதால், விஷயத்தை நச்சு என்று சொல்ல முயற்சிக்கிறேன்.

மற்ற மிருகங்கள் குட்டிகள் குறிகிய காலத்தில் இறை தேடி, அதன் வாழ்வை சர்வ சுதந்திரமாக வாழ்கிறது. நமது குழந்தைகள் பால் குடிக்கவே கற்பிக்க வேண்டியுள்ளது.

இதெல்லாம் கருத்தில் கொண்டு சமுதாயம். திருமணம் என்று வந்திருக்க வேண்டும்.

இன்று திருமணம் என்றால் பல பல நபர்களுக்கு வருமானம் தருகிறது. புரோகிதர், மண்டபம் வாடகை, சாப்பாடு என்று அனைவரும் வருமானம் அடைகின்றனர்.

சீர் என்ற பெயரில் ஒரு பக்கம் பெண்ணை பெற்றவர்கலின் பணத்தை உறுஞ்சி எடுத்துவிடுகிறோம். மற்றொரு பக்கம் ஜாதி என்ற போர்வையில், ஜாதி வெறியர்கள் மணமக்களை எரித்த கதைகள் நிறைய சினிமா வாக வெளிவருகிறது.